Online G-U-R-O

Mahirap talagang maging guro o teacher. Minsan ko nang naranasan nito. Sa paghahanda pa lamang ng lesson plan hanggang sa pagtayo mo sa harap ng klase upang ibahagi ang iyong mga nalalaman – lahat nakakapagod! Stressful. Pero hanga ako sa mga gurong patuloy pa rin sa kanilang propesyon kahit na kaakibat nito ang (araw-araw na) pagod at sakripisyo basta’t mabinhian lamang ng kaalaman ang bawat isipan ng kanilang mga mag-aaral. Sila ang tunay na mga bayani, kung tutuusin.

Nitong mga nagdaang taon lumabas at naging popular ang tinatawag na Open University, kasabay nito ang nagsulputang mga online teachers/ tutor. Gamit ang makabagong teknolohiya, ginagamit ito ng mga online guro upang gawing instrumento ng pagtutro. May nagsasabing hindi maganda raw ito ng pagtuturo pero sa pangkalahatang opinyon, effective raw na alternative ang online teaching.

Kasalukuyang online teacher/ tutor ako ng Spanish (as aprt of my part time job). Mahirap pero masaya. Nasabi kong masaya dahil sa pamamagitan ng pagiging online teacher/tutor,marami akong nakakasalamuhang tao at nagiging kaibigan saan man parte ng mundo. At saka dollars ang kinikita ko! jejeje (jejemon mode).

Pero nitong makalawa, sumali ako sa online conference ng mga Esperantista. Ang nilalaman ng naturang conferenceay ang muling pagpapaalala sa aming misyon bilang mga Esperantista – ang ipalaganap ang wikang Esperanto sa mundo. Dito sa Pilipinas ako lamang ang kaisa-isang opisyal na Esperantista. Idagdag mo pa ang aming misyon. Ninety million Filipinos to one Esperantist! Diba mahirap!

Pero dahil sa aking sinumpaang tungkulin, heto ako ngayon naririto upang isakatuparan ang misyong ito. Kahit walang sweldo at nangangailangan ng maraming sakripisyo, handa pa rin ako na ibahagi ngayon sa siyamnapung milyong mga Pilipino ang wikang Esperanto at ang kahalagahan nito sa Globalisasyon.

Sa ngayon, naghahanda na ako ng syllabus para sa free online course na ESPERANTO 101. Sisikapin kong magiging madali ang pagtuturo ko ng Esperanto online. Inihanda ko na rin ang aking sarili sa anuman at posibleng mangyari habang sinisimulan ko ang programang ito. At sana rin may tumangkilik nito sapagkat masayang pag-aralan ang wikang Esperanto. At saka LIBRE ito. Gagamitin ko rin itong instrumento upang magkakilala tayo at maging magkaibigan.

Hanggang sa muli Kaibigan!

Mi amas vin!

Kuya Esperanto now Signing On!

Now signing on!

Dahil sa isang sinumpaang misyon na palaganapin ang wikang Esperanto sa buong mundo, naririto ako ngayon sa WordPress upang ibahagi ang aking nalalaman sa pinakausong wika ngayon sa Europa at Brazil – ang Esperanto. I’m Kuya Esperanto, isang full time writer, novelist at blogger. Isa rin akong polyglot. Ako ang inyong magiging kaibigan at katulong upang matutunan ninyo ang wikang Esperanto.

Bakit kailangang matutunan ang wikang Esperanto?

Bibigyan ko kayo ng ilang dahilan: una, ang Esperanto ay isang innovative artificial language na binase sa mga wikang Europeo tulad ng wikang Pranses, Espanyol, Aleman, Italyano, Ruso, Magyar, Griyego, at iba pa. Kailangan natin itong matutunan sapagkat tumataas na ang popularidad nito at bilang bahagi ng tinatawag nating Globalisasyon, kailangan nating matutunan ang Esperanto na isa sa mga wikang mabilis lumaganap. Halos tatlong milyon na ang mga gumagamit nito sa buong mundo at patuloy pang lumalaki. Hindi maglalaon, isa na ang wikang Esperanto sa mga pandaigdigang wika at pangunahing midyum ng pakikipagtalastasan. Kaya hangga’t maaga pa lamang kailangan nang matutunan ng mga Pilipino ang wikang ito.Isa itong advantage sa atin sapagkat isa tayo sa kauna-unahang mga bansa sa Asya na may kaalaman sa Esperanto.

Pangalawa, ang Esperanto ay siyang uso ngayon sa mga bansa sa Europa at maging sa Brazil. Magpapahuli ba naman ang mga Pilipino sa uso? Dapat hindi dahil kung hindi mapag-iiwanan tayo! Papayag ba kayo? Kung sakaling pupunta ka sa alinmang bansa sa Europa o maging sa Brazil, dapat handa kayo sa makakasalamuha niyong mga taga-roon na marunong magsalita ng Esperanto! Para sa mga ito, ang wikang Esperanto ay siyang wikang nakapagpapaangat ng estado mo sa buhay – at hindi ang pagsasalita ng wikang Ingles, Pranses, o kahit Latin!

Sa Pransiya, halimbawa, out of place ka sa mga kabataan kung hindi ka makakapagsalita ng Esperanto. Naranasan ko ito. Hindi ko naman masasabing discriminated ako not because of my race kasi kahit ang mga kapwa nila Pranses na hindi marunong mag-Esperanto ay outcast sa kanilang grupo!

Isipin mo kapag natuto ka ng Esperanto: parang natuto ka na rin ng mga wikang Europeo! Diba bongga!

Isa lang ito sa mga dahilan kaya ko pinag-aralan ang wikang ito bukod sa nais kong mapalawak pa ang aking mga wikang nalalaman. Setting aside the second reason, dapat rin talagang malaman ng mga Pilipino ang wikang ito bilang bahagi ng Globalisasyon. Malay natin, isa sa mga araw na ito ang Esperanto ang siyang gagawing official language ng European Union, at malay mo rin sa susunod na isandaan o isang libong taon, ang Esperanto na ang siyang pangkalahatang midyum ng pakikipagtalastasan sa buong mundo!

Ayon sa kinaaaniban kong organisasyon, ang Samahan ng mga Esperantista, ako pa lamang ang Pilipinong opisyal ang “dalubhasa” sa wikang Esperanto. Para naman sa akin, hindi ako dalubhasa sapagkat ako rin ay patuloy na nag-aaral ng wikang Esperanto at paminsan-minsan ay nagkakamali sa grammar. Ngunit makakaasa kayo sa akin na magiging mabuti akong gabay sa pag-aaral ninyo ng Esperanto.

Ayon rin sa Samahan ng mga Esperantista, ako lamang ang nag-iisang Pilipinong Esperantista. Ayaw ko namang ako lamang sa buong Pilipinas ang nakakaalam ng wikang ito kaya ako naririto ngayon sa WordPress upang kahit papaano ay magkaroon kayo ng kaalaman sa wikang Esperanto.

Araw-araw ay sisikapin kong mag-post ng sari-saring impormasyon tungkol sa wikang Esperanto – kasama na ang grammar, paraan ng pagbigkas, at iba pa.

Ang blog na ito ay iniaalay ko sa mga Pilipinong katulad ko na nais matuto ng wikang Esperanto.